استطاع اللاعب المحترف أحمد حسن كوكا بالأمس تسجيل هدفه رقم 99 في مشواره الإحترافي بالملاعب الأوروبية، كان الهدف في كأس تركيا، ليتبقي للاعب هدف واحد فقط لدخول نادي المائة وهو الامر الذي جعله ثاني أكثر الهدافين المحترفين من مصر بعد محمد صلاح.
تفاصيل مشادة ميدو وكوكا الكلامية علي تويتر
احتفالاً بإنجاز كوكا رفع الصحفي بموقع يلا كورة ضياء علي جوهر تغريدة علي حسابه في تويتر يقول بها: "في الحقيقة أحمد حسن كوكا عامل مسيرة احترافية مميزة جدًا.. النهاردة أحرز هدفه ال٩٩ في الملاعب الأوروبية وهو ثاني الهدافين من المصريين المحترفين في الخارج بعد محمد صلاح والثالث من حيث عدد البطولات بعد محمد النني وصلاح وأرقام تانية كثيرة مميزة .. كل التحية لمسيرته"
ليرد أحمد حسام ميدو علي تغريدة ضياء كالتالي: "مهاجم متواضع لا يصلح للمستوى الدولي حتى ولو احرز ١٠٠٠ هدف"
مما أثار رد ميدو غضب اللاعب أحمد حسن كوكا فقام كوكا الرد علي تغريدة ميدو كالتالي: "مهاجم متواضع؟ اولا هو انت اصلا مين طلب رأيك؟ ثانيا انت مبطل كوره وانت عندك ٢٩ سنه و كل الناس عارفه ليه.
ثالثا لو رقم الاهداف الي انا جايبه شايفه قليل ماجبتوش انت ليه?
مع ان الي بيلعب في نادي اكبر فرصه بتكون اكتر في التسجيل.
رابعا حاولت تبقي مدرب و مبتكملش شهر في اي نادي
خامسا بتحاول تبقي اعلامي و تتكلم عن ده وده عشان تبقي تريند بأي شكل ، اي حاجه عايز تدخل فيها ، ده حتي صلاح في اول مشواره كنت بتتكلم عليه وحش ، الحقد عالي اوي عندك من زمان وانت بتتكلم وحش عني"
ويواصل كوكا ردوه: "و انا عارف ان اكبر غلط اني ارد عليك وانت فاضي و عندك برنامج تتكلم فيه كل يوم بس انا برده مش هيهدني كلامك و هفضل في طريقي ، مركز في مستقبلي و مش عايز حاجه من الناس بعد مبطل كوره و بعد لما اموت غير السيره الحلوه".
ليرد أحمد حسام ميدو: "عمري ماروحت المنتخب علشان مناسب حد مهم..انت عارف كويس انت كنت بتروح المنتخب لسه..رد في الملعب حاول تروح المنتخب..انت لاعيب تعبان وكل مؤهلاتك نسبك وانت عارف كويس"
"عمري ما لعبت في دوريات الالاضيش اللي انت بتلعب فيها..يا اهبل مصر كلها بتقول انك لاعيب على ماتفرج مش انا بس وتاني انت عارف كويس انت كنت بتروح المنتخب ليه"
"سيرة حلوه ازاي وانت مابتعرفش تلعب مفيش حد هيجيب سيرتك لا بالحلو ولا بالوحش"
هذا كان حوار الثنائي علي موقع تويتر مما أثارغضب المتابعين سواء لأحمد حسام ميدو أو أحمد حسن كوكا.