يتسائل البعض الأن سؤال هام جداً بخصوص مباراة مصر والسنغال في إطار التصفيات النهائية المؤهلة لكأس العالم فيفا قطر 2022.
سؤال: إزاي أحجز تذكرة لحضور مباراة مصر والسنغال
واحنا هنا في Egyptlly هنجاوب علي السؤال ده بالتفصيل، لأن الموضوع بقي معقد بعض الشئ بالنسبة للبعض، ولكن لو فهمت الدنيا ماشية ازاي هتقدر تحجزتذكرتك بكل سهولة.
أول حاجة لازم يكون عندك حساب علي موقع Tazkarti .. ستقوم بإنشاء حساب الأن وسيتم مراجعته وبعد ذلك سيتم الرد عليك بالID والباسورد بتوع حسابك علي الموقع.
ولكن ده مش كافي انك تحجز تذكرة علي موقع تذكرتي، انت لازم تثبت انك واخد لقاحين فيروس كورونا.. طيب هتعملها ازي؟
هتروح أقرب مكتب صحة ليك وتطلع حاجة اسمها شهادة qr كود وده موضوع مفصل عن شهادة qr وازاي تستخرجها بكل سهولة ياريت تبص عليه. اضغط هنا للوصول لموضوع الQR كود
طيب عملنا حساب علي موقع تذكرتي واثبتنا للموقع انك واخد اللقاح.. ماذابعد؟
بعد كده تقدر تحجزتذكرتك بكل سهولة من الرابط ده
بس خد بالك انك هتدفع 100 جنيه زيادة علي سعر التذكرة لأول مرة رسوم العضوية الموسمية والرسوم دي بتتدفع مرة واحدة بس في الموسم.
يعني لو التذكرة ب100هتدفع 200 ده غير ال100 جنيه بتاعة استخراج شهادة الQR كود من مكتب الصحة
يعني عشان تحضر أول ماتش ليك في الاستاد داخل مصر هتدفع 300 جنيه.. ده غير مصاريفك طبعاً.
أسعار تذاكر مباراة مصر والسنغال
نبدأ بسعر تذاكر المقصورة في مباراة مصر والسنغال، وأتت أسعارها ب2000 جنيه
لماذا سعر المقصورة هو اعلي سعر للتذكرة
لأن المقصورة في أفضل مكان يمكنك رؤية المباراة من خلاله، بالإضافة الي جلوسك وسط المشاهير والشخصيات العامة، فهم دائماً يحضرون المباريات الهامة من المقصورة.
ننتقل الي أسعار تذاكر الدرجة الأولي في مباراة مصر والسنغال
وأتت أسعار الدرجة الأولي علوي ب400 جنيه، والدرجة الأولي سفلي ب600 جنيه.
أسعار تذاكر الدرجة الثانية لماتش مصر والسنغال
تأتي أسعار الدرجة الثانية بسعر 250 جنيه، والدرجة الثانية تعتبر هي درجة عامة الشعب وهي تقع في الجهة المقابلة للمقصورة والدرجتين الأولي يمين والأولي شمال.
أسعار تذاكر الدرجة الثالثة في مباراة مصر والسنغال
وتم الكشف أن سعر الدرجة التالتة في مباراة مصر والسنغال بمبلغ 100 جنيه، ويعتبر هذا هو أقل سعر للتذكرة في مباراة مصر والسنغال.
في الدرجة التالتة يجلس مهاوييس كرة القدم، ليس من أهم أولوياتهم متابعة المباراة بل تشجيع الفريق، وهنا نضرب المثال بجمهور التالتة يمين (جمهور الزمالك) وجمهور التالتة شمال (جمهور الأهلي)
وتقع مدرجات الدرجة الثالثة خلف المرمي مباشرة.