معني مصطلح طرش
انتشرت في الآونة الأخيرة بعض المصطلحات الجديدة علي التايم لاين العربي وخصوصا المصري، ومن ضمن هذه المصطلحات كلمة "طرش"
الكثير منا يلمح هذه الكلمة مرة او مرتين يومياً علي الأقل وهو يتفقد صفحته الرئيسية علي فيسبوك أو تويتر، فيري صديق له يكتب جامد طرش، أو جبت حاجة طرش
هنا لا يفهم البعض هل الكلمة يقصد بها صاحبها شئ ايجابي ام سلبي.
يعني ايه طرش
كلمة طرش في حد ذاتها قديمة ولعلك سمعت عن طرش البحر منذ زمن بعيد.
ولكن كلمة طرش المنتشرة هذه الأيام علي السوشيال ميديا ليست كلمة سلبية أو يقصد بها صاحبها التقليل من شئ، علي العكس هو يريد إبراز أهمية الشئ الذي يتحدث عنه فيقول عليه طرش.
مثل مصطلح "جامد جدا" علي سبيل المثال.
وعلي احد الحسابات المصرية علي تويتر قرأت تويتة تقول صاحبتها: "افتكر اول مرة سمعت كلمة طرش ديه كنت بسأل أحد أصدقائي في الشغل فطر ايه قالي اكلت سندوتشات كفتة طرش. و تعابير وشه مكانتش ماشية مع اللي بيقوله خالص، فبقوله يعني كسرت صيامك على حاجة طعمها وحش ديه حاجة حزينة، قالي لا طرش بقولك D: فسكت و روحت أفكر فيها قبل ما أنام"
هنا صاحبة الحساب اكيد منامتش الليل في محاولة منها لفهم معني كلمة طرش، يعني هل زميلها يقصد ايه بكفتة طرش؟ لحد ما اتوصلت في الأخر انه كان مبسوط من الكفتة.
ذات صلة