السبب وراء غلق مطاعم الكشري في شهر رمضان
موضوع مهم بيشغل بال الكتير في شهر رمضان، وهو ليه محلات الكشري بتقفل في رمضان؟
الحقيقة ان السؤال ده مش هتلاقيله اجابة محددة، حتي لو سألت اصحاب المحلات نفسهم كل واحد هيقول اجابة مختلفة، وطبعا مش قصدهم يتوهوك لكن كل محل بيكون له أسبابه في قفل محل الكشري الخاص به في رمضان.
طيب ليه محلات الكشري بيقفلوا في شهر رمضان بقي
فيه ناس اجمعت ان سبب الغلق بيكون بسبب ان وجبة الكشري نفسها معظم الناس مبيعتبرهاش وجبة اساسية وزيها زي التسالي، فالبتالي محدش هيفطر ولا هيتسحر كشري.
وسبب تاني بيقول ان الموضوع اقتصادي، لأنه بحسبة اقتصادية بسيطة هنكتشف ان فتح المحل ويومية الموظفين والكهرباء وخلافه مش هيغطي المصاريف وبالتالي ممكن صاحب المحل يخسر.
وسبب اخر متعلق بالاقتصاد بيقول ان سبب قفل مطاعم الكشري في رمضان هو تعطيش السوق وسبب تاني وهو تجديدات المحلات.
وسواء اتفقت مع أي رأي من اللي فوق ده ميمعنش ان الكشري اكلة لو بتحبها هتشتاقلها في رمضان وهتتمني لو فيه أي محل فاتح عشان تاكل كشري ولو مرة في شهر رمضان.