لعبة جديدة من الدورى الانجليزي الممتاز اسمها Last Fan Standing أو "الناجي الأخير"
وهى لعبة توقعات جديدة فكرتها تعتمد علي انك نفسك طويل وبتعرف تختار صح.
نظام اللعبة
بعد ما تسجل دخول على اللعبة بنفس حساب فانتازي البريميرليج بتختار فريق واحد كل جولة شايف انه هيكسب الماتش الخاص بالجولة دى
بمعنى
ان الجولة دى رقم 31
هتختار فريق هيفوز الجولة دى
والجولة الجاية هتختار فريق هيفوز فيها
وهكذا لحد اخر جولة
طيب لو الفريق اللى اختارته خسر أو اتعادل؟
هنا اللعبة هتقولك باي باي
مشوارك انتهى لحد هنا.
عشان كده اللعبة اسمها Last Fan Standing
بمعني اخر واحد واقف مكمل.
كمان من ضمن قوانين اللعبة ان مينفعش تختار فريق اختارته قبل كده في جولة معينة
يعنى بتختار الفريق مرة واحدة لجولة واحدة.
الديدلاين في اللعبة متاح حتي انطلاق أول مباراة في الجولة
وبما ان اللعبة هتنطلق الجولة رقم 31
يعني الديدلاين هيكون ٢٠ مارس الساعة ١٠ بتوقيت القاهرة قبيل انطلاق مباراة بورنموث ومان يونايتد.
الجوائز
أخر مشجع هيفضل صامد في المسابقة هيفوز بتذكرتين "Hospitality" (VIP وخدمة فندقية)
لماتش في البريميرليج الموسم الجديد من اختياره
والرحلة شاملة مصاريف السفر والإقامة
وكمان أي حد هيشارك في المسابقة هيدخل سحب علي ١٠ تيشرتات أصلية لأندية الدوري الإنجليزي.
دي كانت أبرز نقاط اللعبة الجديد Last Fan Standing من البريميرليج التي ستنطلق من الجولة الأولى 31 حتي نهاية الموسم في الجولة 38 (أي ستستمر 8 جولات فقط)
فيه سؤال بيدور في بالك دلوقتي هجاوبك عليه
ايه اللي هيحصل لو وصلنا للجولة الأخيرة والدوري انتهي وفيه أكثر من لاعب مكملين وصامدين
اللعبة هنا هتعمل قرعة عشوائية علشان تحدد الفائز.
سؤال اخر: ايه اللي هيحصلنا لو وصلنا مثلا للجولة 35 ومفيش ولا لاعب قدر يكمل وكل اللاعبين خسرت
اللعبة هنا هتشوف اخر جولة كان فيها لاعبين وتعمل ما بينهم قرعة لتحديد الفائز.
المصادر: